მძღოლები, რომლებიც სასწრაფო დახმარების მანქანას გზას არ დაუთმობენ, დაჯარიმდებიან

 (photo: )

მძღოლები, რომლებიც სასწრაფო სამედიცონო დახმარებას გზას არ დაუთმობენ 30 ლარით დაჯარიმდებიან. შესაბამისი კანონი უკვე მოქმედებს. 

სასწრაფო -სამედიცინო ცენტრებში ამბობენ, რომ თუ მსგავსი შემთხვევები მომავალში დაფიქსირდება სასწრაფო დახმარება ვიდეოჩანაწერს, რომელსაც მათ მანქანებში დაყენებული კამერებით იღებენ, საპატრულო პოლიციას მიაწვდის, ისინი კი შესაბამისად იმოქმედებენ. 

კანონის ადმინისტრირების გამკაცრების ინიციატივა სასწრაფო სამედიცონო დახმარების დირექტორს თემურ ბარკალაიას ეკუთვნის. მისი თქმით, სასწრაფო სამედიცინო დახმარების დაგვიანებას ხშირ შემთხვევაში სწორედ ასეთი ფაქტები იწვევს.
ბარკალაიას თქმით, საკითხი განსაკუთრებით აქტუალური მას შემდეგ გახდა, რაც გახშირდა მოსახლეობის პრეტენზიები, რომ სასწრაფო დახმარება იგვიანებს და ექიმებისთვის ლოდინი რამდენიმე საათის განმავლობაში უწევთ. ინფორმაციას ,,კომერსანტი'' ავრცელებს.

ვებ პორტალის მხარდამჭერია ფონდი „ღია საზოგადოება საქართველო“.
გვერდის დამზადება შესაძლებელი გახდა IREX G Media პროგრამის დახმარებით 2013 წლიდან.
ჩვენი პარტნიორები: „მედია ცენტრი კახეთი“, „სათემო განვითარების ცენტრი“