დედოფლისწყაროში კირქვის ქარხანა გაქურდეს

 (photo: John Roman)

დედოფლისწყაროს მუნიციპალიტეტში კირქვის ქარხანა "არწივის ხეობა" გაქურდეს. 

შემთხვევა 9 სექტემბერს მოხდა. ადგილობრივების მტკიცებით, ქარხნის დარაჯი, 1938 წელს დაბადებული გოდერძი გონაშვილი უცნობმა პირებმა ჯერ დააბეს, შემდეგ კი აწამეს. შენობიდან მოპარულია დიდი ოდენობისა და ღირებულების კაბელები.
გავრცელებული ინფორმაციით, თავდამსხმელი ახალგაზრდების ჯგუფია, რომლებიც წინა დღეს დაწესებულებაში მივიდნენ და ირწმუნებოდნენ, რომ დაკარგულ ძაღლს ეძებდნენ.
დაზარალებული მამაკაცი ტომოგრაფიული გამოკვლევისთვის თბილისში, ოპტიმალ მედიში, გადაიყვანეს.
როგორც Knews.ge-ს შინაგან საქმეთა სამინისტროში განუცხადეს, გამოძიება დაწყებულია სისხლის სამართლის კოდექსის 177-ე და 126-ე მუხლებით, რომლებიც ქურდობასა და ძალადობას გულისხმობს.

ვებ პორტალის მხარდამჭერია ფონდი „ღია საზოგადოება საქართველო“.
გვერდის დამზადება შესაძლებელი გახდა IREX G Media პროგრამის დახმარებით 2013 წლიდან.
ჩვენი პარტნიორები: „მედია ცენტრი კახეთი“, „სათემო განვითარების ცენტრი“